Sansar News
काठमाडौं । अमेरिकी सहयोग परियोजना एमसीसी सम्झौताका विषयमा टुंगो लगाउन सत्तारुढ गठबन्धनको बैठक बस्दैछ ।
आज दिउँसो ३ बजे बस्ने बैठकमा एमसीसी संसदमा टेबुल गर्ने विषयमा छलफल हुने भएको छ ।
शुक्रवार बस्ने प्रतिनिधिसभाको बैठकमा एमसीसी सम्झौता टेवुल गर्नका लागि विशेषत सत्तारुढ गठबन्धन दलभित्र सहमति जुटाउन बैठक बस्न लागेको हो ।
बुधबार बसेको प्रतिनिधिसभाको बैठकमा एमसीसी टेवुल गर्ने भनेर सत्तारुढ गठबन्धन नेतृत्व दल नेपाली कांग्रसेले प्रस्ताव एमसीसीभित्रका आपत्तिजनक केही बुँदा संशोधन नगरी संसदमा टेबुल गर्न नपाउने र टेवुल गरिएमा सरकार र गठबन्धनबाट बाहिरीने माओवादी केन्द्रको अडानपछि प्रधानमन्त्री शेरबहादुर देउवा पछि हटेका थिए ।
बुधवारको संसद बैठकमा एमसीसी टेबुल गर्ने कांग्रेसको निर्णयपछि सत्तामै रहेको माओवादी केन्द्र, उसका भातृ संगठन, नेकपा एकिकृत समाजवादी पार्टी तथा उसका भातृसंगठन, राष्टिय प्रजातन्त्र पार्टी लगायतका एमसीसी विरोधि अभियन्ताहरुले बानेश्वर परीसरमा एमसीसी विरोधि प्रदर्शन गरेका थिए ।
बुधवार सहमति नजुटेपछि दुई दिनभित्र दलहरुबीच यसबारेमा छलफल जुटाएर शुक्रवारको प्रतिनिधिसभाको बैठकमा एमसीसी टेबुल गरिने पनि कानुन, न्याय तथा संसदीय मामिला मन्त्री दिलेन्द्र प्रसाद बडुले बताएका छन् ।
वि.सं.२०७८ फागुन ५ बिहीवार ०९:०५ मा प्रकाशित
