हामी सबैकाे संसारन्यूज

काठमाडौं । नेकपा (माओवादी केन्द्र) का नेता पुष्पकमल दाहाल ‘प्रचण्ड’ ले आफ्नो पार्टी र संसदीय दल एमसीसीको विपक्षमा रहेको बताएका छन् ।

आइतवारको प्रतिनिधिसभा बैठकमा अमेरिकी परियोजना एमसीसी सम्झौता टेवुल भएपछि अध्यक्ष प्रचण्डले विवाद र बिरोधका बीच सरकारले एमसीसी टेबुल गरेको भन्दै आफ्नो पार्टी र संसदिय दल एमसीसीका विपक्षमा उभिने आफ्नो मत पहिले नै स्पष्ट गरिसकेको बताएका छन् ।

‘विवाद र बिरोधका बीच सरकारले एमसीसी टेबुल गरेको छ । हाम्रो पार्टी र संसदिय दलले एमसीसीका विपक्षमा उभिने आफ्नो मत पहिले नै स्पष्ट गरिसकेको छ । ‘एमसीसी टेबुल गर्नुहुन्न भन्दै विरोधमा उत्रिएका प्रदर्शनकारीमाथी भएको प्रहरी दमनको विरोध गर्दै घाइतेहरुको सिघ्र स्वास्थ्यलाभको कामना गर्दछु ।’ अध्यक्ष प्रचण्डले सामाजिक संजालमा फेसबुकमा भनेका छन् ।