हामी सबैकाे संसारन्यूज

१० फागुन, काठमाडौँ । आइसिसी टी-२० विश्वकप ग्लोबल छनोट अन्तर्गतको सेमिफाइनल खेलमा नेपालले आज युएईको सामना गर्दै छ ।

आइसिसी टी-२० विश्वकप ग्लोबल छनोट अन्तर्गत नेपाल समूह ‘बी’ को विजेता बन्दैँ सेमिफाइनलमा प्रवेश गरेको हो भने युएई समूह ‘ए’ को उपविजेता बन्दैँ सेमिफाइलनमा प्रवेश गरेको हो ।

आइसिसी टी–२० विश्वकप क्रिकेट प्रतियोगितामा दोस्रो पटक स्थान सुरक्षित गर्न आज नेपालले युएईलाई हराउनै पर्ने छ । आजको खलेमा युएईलाई पराजित गरेमा नेपाल सन् २०१४ पछि दोस्रोपटक टी–२० विश्वकपमा पुग्नेछ ।

नेपालले युएई विरुद्धको खेलमा कुशल मल्लको स्थानमा आरिफ शेखलाई प्लेइङ्ग-११ मा मौका दिन सक्छ । नेपाल र युएईबीचको खेल नेपाली समय अनुसार आज ३:४५ बाट सुरु हुनेछ ।

युएई विरुद्धको खेलका लागि नेपालको सम्भावित प्लेइङ्ग-११
कुशल भुर्तेल, आशिफ शेख, ज्ञानेन्द्र मल्ल, दीपेन्द्रसिंह ऐरी, आरिफ शेख, लोकेश बम, कमलसिंह ऐरी, जितेन्द्र मुखिया, अविनाश बोहरा, सन्दीप लामिछाने, विवेकुमार यादव ।