हामी सबैकाे संसारन्यूज

काठमाडौं । एनसेलका ग्राहकले अब डेटा प्रयोग गर्दा आकर्षक क्यास ब्याकको फाइदा लिन सक्नेछन् । एनसेल आजियाटा लिमिटेडले गज्जबको डेलि जीबी प्याक अन्तर्गतका तीन विभिन्न प्याकहरुमा रु २० देखि रु ६० सम्मको क्यास ब्याक अफर सञ्चालनमा ल्याएको छ ।

गजब्बको डेलि जीबी प्याक अन्तरगतको क्यास ब्याक योजना सोमबारदेखि लागु भएको एनसेलले जनाएको छ ।

यस आकर्षक योजना अन्तर्गत एनसेलका ग्राहकले ७ दिन वा ३० दिनसम्म दैनिक १ जीबी र ७ दिनसम्म दैनिक २ जीबीकोे गजब्बको डेलि जीबी प्याकको खरिदमा आकर्षक क्यास ब्याकको फाइदा लिन सक्नछन् ।

७ दिनसम्मका लागि मान्य रहने दैनिक १ जीबी गज्जबको डेटा प्याक ग्राहकले कर सहित मात्र १ सय ६९ रुपैंयाँमा सुचारु गर्न सक्नेछन् । यो प्याक सुचारु गर्ने ग्राहकले रु २० क्यास ब्याक अर्थात् बोनस ब्यालेन्स पाउँनेछन् । त्यसैगरि ग्राहकले कर सहित मात्र २ सय ६९ रुपैंयाामा ७ दिनको समयसिमा रहेको दैनिक २ जीबी डेटा प्याक खरिद गर्न सक्नेछन् । यो प्याक सुचारु गर्ने ग्राहकले रु ३० को क्यास ब्याकबाट फाइदा लिन सक्ने पनि एनसेलले जनाएको छ ।

त्यस्तैगरी धेरै लामो समयसिमा रहेको डेटा प्याक प्रयोग गर्न चाहने ग्राहकले ३० दिनको समयसिमा रहेको दैनिक १ जीबी डेटा प्याक कर सहित मात्र ५ सय ९९ रुपैंयाँमा सुचारु गर्न सक्नेछन् । यो प्याक सुचारु गर्ने ग्राहकले रु ६० बोनस क्यास ब्याक पाउँनेछन् ।

यस गज्जबको डेलि जीबी डेटा प्याक अन्तरगत प्राप्त क्यास ब्याक ग्राहकले पे एज यू गो अन नेट भ्वाइस कल, एसएमएस र डेटा सेवा प्रयोग गर्न सक्नेछन् । ग्राहकले एस्ट्रिक्स १७१२३ ह्यास डायल गरि प्राप्त निर्देशन अनुसार प्याक सुचारु गर्न सक्नेछन् । यो डेटा प्याक एनसेल एपबाट पनि सजिलैसंग खरिद गर्न सकिनेछ ।

गज्जबको डेलि जीबी डेटा प्याकमा क्यास ब्याक योजनाले डेटा बाहेक अन्य अन नेट सेवा प्रयोग गर्नका लागि ग्राहकहरुलाई राम्रो लाभ प्रदान गर्ने विश्वास एनसेलले लिएको छ ।