हामी सबैकाे संसारन्यूज

१५, फागुन, काठमाडौँ । साताको पहिलो दिन आइतबार सेयर बजार (नेप्से) ७ दशमलब ७३ अकंले घटेर २६५३ दशमलब ७० विन्दुमा पुगेको छ । त्यस्तै ठूला कम्पनीहरुकोे कारोबार मापक सेन्सेटिभ पनि ० दशमलब ७३ अकंले घटेर ५०६ दशमलब ८४ विन्दुमा पुगेको छ ।

आज कुल सूचिकृतमध्ये २२४ कम्पनीको ३ अर्ब २७ करोड ३० लाख ६५ हजार ९०९ रुपैंया बराबरको ७० लाख ४० हजार ५६३ कित्ता सेयर किनबेच भएको छ । तिनको कारोबारमा ४९ हजार ६ सय ७० पटक लेनदेन भएको हो ।

कारोबार रकमको आधारमा युनिभर्सल पावर, नेपाल टेलिकम, नेशनल हाईड्रोपावर, नेपाल लाइफ इन्स्योरेन्स, अरुण भ्याली हाईड्रोपावर लगायतका कम्पनीहरु शिर्ष स्थानमा रहे भने कारोबार संख्याको आधारमा युनिभर्सल पावर, नेशनल हाईड्रोपावर, एचआईडिसिएल, अपी पावर, अरुण भ्याली हाईड्रोपावरलगायतका कम्पनीहरु शिर्ष स्थानमा रहे ।

आज सबै भन्दा धेरै कमाउनेमा नेशनल हाईड्रोपावर, सर्पोट माइक्रोफाइनान्स, युनिभर्सल पावर, छयाङ्दी हाईड्रोपावर, युनियन हाईड्रोपावर लगायतका कम्पनीका लगानीकर्ताहरु परेका छन ।