कुवेतमा घरको चारतलाबाट खसेर एक नेपालीको ज्यान गएको छ । संखुवासभा घर भई कुवेतको मागफमा बस्दै आएका सचिन राईको आफू बस्ने बिल्डिङको चारतलाबाट खसेर ज्यान गएको हो ।
सोमबार दिउसो सोहि बिल्डिङमा सबै मिलेर होली मनाइरहेका बेला मादक पदार्थ सेवन गरेको र आपसी झगडा हुँदा आवेशमा आएर सचिनले रातको ११ः१५ तिर आफ्नो कोठाको झ्यालबाट हाम फालेर आत्महत्या गरेको कुवेतबाट संचालन हुने परदेशी खबर डटकमले जनाएको छ ।
अवैधानिकरुपमा कुवेतमा बसिरहेका उनले आत्महत्या गरेपछि ६ जनालाई प्रहरीले नियन्त्रणमा लिएर ३ जनालाई सोधपुछ गरेर छाडेको र एक महिलासहित तीनजनालाई नियन्त्रणमा राखिएको जनाइएको छ ।
यस बारेमा नेपाली राजदूतावासका दित्तिय सचिव भोगेन्द्र लिङदेनसँग सम्पर्क गर्दा घटनाबारे जानकारी आएको तर यकिन के हो भन्ने बारे अझै प्रष्ट भई नसकेको जानकारी दिनुभएको छ ।
