हामी सबैकाे संसारन्यूज

१६ माघ, काठमाडौँ । सेयर बजार (नेप्से) मा साताको पहिलो दिन आइतबार उछाल आएको छ । आज बजार परिसूचक १०१ दशमलव ०७ अकंले बढेर समग्र परिसूचक २६६७ दशमलव ९७ बिन्दुमा पुगेको छ । त्यस्तै ठूला कम्पनीहरुकोे कारोबार मापक सेन्सेटिभ पनि १६ दशमलब ६७ अकंले बढेर ५०९ दशमलब ९० बिन्दुमा पुगेको छ ।

आज कुल सूचिकृतमध्ये २२८ कम्पनीको ४ अर्ब ८७ करोड ७ लाख १५ हजार ३८७ रुपैंयाँ बराबरका ९० लाख २२ हजार ८९० कित्ता सेयर किनबेच भएको छ । तिनको कारोबारमा ६४ हजार ६ सय ३५ पटक लेनदेन भएको छ ।

आज कारोबार रकमको आधारमा शिवम सिमेन्ट, अपी पावर, आईसिएफी फाइनान्स, नेपाल टेलिकम, नेपाल लाइफ इन्स्योरेन्स लगायतका कम्पनीहरु शिर्ष स्थानमा रहे भने कारोबार संख्याको आधारमा अपी पावर, आईसिएफी फाइनान्स, शिवम सिमेन्ट, एचआईडिसिएल, अरुण भ्याली हाईड्रोपावर लगायतका कम्पनीहरु शिर्ष स्थानमा रहे ।

आज ५ कम्पनीको सेयर मुल्यमा सकारात्मक सर्किट लागेको छ । आज एशियन लाईफ इन्स्योरेन्स, ज्योति लाईफ इन्स्योरेन्स, सानिमा लाईफ इन्स्योरेन्स, इमर्जिङ्ग नेपाल र कर्पोरेट डेभलपमेन्ट बैंकको सेयर मूल्यमा सकारात्मक सर्किट लागेको हो ।