हामी सबैकाे संसारन्यूज

नेपाल पर्यटन बोर्डले आयरल्याण्डका लागि पर्यटनदूतमा गणेश प्रसाइलाई नियुक्त गरेको छ ।  बोर्डले एनआरएनए आयरल्याण्डका पूर्व अध्यक्ष तथा हालका सल्लाहकार, रेष्टुरेण्ट व्यवसायी प्रसाइलाई आयरल्याण्डमा नेपाली पर्यटनको प्रर्वद्धन तथा विकासका लागि बुधबार (मार्च १५) का दिन पर्यटनदूतमा नियुक्त गरेको हो ।
झापाको धुलावारीमा जन्मिएर १८ वर्षदेखि आयरल्याण्डलाई कर्मथलो बनाउँदै आउनु भएका समाजसेवी प्रसाइले पर्यटनबोर्डले दिएको जिम्मेवारीले थप हौसला मिलेको बताउँदै नेपालको पर्यटन प्रवद्र्धनका लागि आफू लागिपर्ने बताउनु भएको छ ।
पछिल्लो पटक सरकारले युरोप, अमेरिका तथा अष्ट्रेलियामा रहेका विभिन्न क्षेत्रमा कार्यरत नेपालीलाई पर्यटन प्रवद्र्धनका लागि पर्यटनदूत नियुक्ति गर्ने क्रम जारी राखेको छ । ती दूतहरुले विदेशका नागरिकहरुबीच नेपालको पर्यटन प्रवद्र्धनमा विशेष भूमिका निर्वाह गर्दै पर्यटनबाटै देशको आर्थिक समृद्धिमा टेवा पु¥याउन लागिपर्ने छन् भन्ने विश्वास गरिएको छ ।