Sansar News
२८ चैत, काठमाडौँ । साताको दोस्रो दिन सोमबार सेयर बजार (नेप्से) ४४ दशमलब ६४ अकंले घटेर २४१९ दशमलब ७१ विन्दुमा पुगेको छ । त्यस्तै ठूला कम्पनीहरुकोे कारोबार मापक सेन्सेटिभ पनि ९ दशमलब ३८ अकंले घटेर ४५४ दशमलब ३७ विन्दुमा पुगेको छ ।
आज कुल सूचिकृतमध्ये २३३ कम्पनीको २ अर्ब २६ करोड ७ लाख ८६ हजार ६२८ रुपैंया बराबरको ५० लाख ९५ हजार ८३४ कित्ता सेयर किनबेच भएको छ । तिनको कारोबारमा ४० हजार ५ सय ७ पटक लेनदेन भएको हो ।
कारोबार रकमको आधारमा नेपाल लाइफ इन्स्योरेन्स, नेपाल इन्फ्रास्ट्रक्चर बैंक, नविल बैंक, एनआईशी एशिया बैंक, हिमालयन डिष्टिलरी लगायतका कम्पनीहरु शिर्ष स्थानमा रहे भने कारोबार संख्याको आधारमा नेपाल इन्फ्रस्ट्रक्चर बैंक, नेपाल लाइफ इन्स्योरेन्स, एचआईडिसिएल, अरुण भ्याली हाईड्रोपावर लगायतका कम्पनीहरु शिर्ष स्थानमा रहे ।
आज सबै भन्दा धेरै कमाउनेमा नेस्डो लघुवित्त, जाल्पा सामुदायिक लघुवित्त, मिथिला लघुवित्त लगायतका कम्पनीका लगानीकर्ताहरु परेका छन भने सबै भन्दा धेरै गुमाउनेमा इमर्जिङ्ग नेपाल, राष्ट्र उत्थान लघुवित्त, नेपाल टेलिकम, हिमालयन पावर पार्टनर, नेपाल लाइफ इन्स्योरेन्स लगायतका कम्पनीका लगानीकर्ताहरु परेका छन ।
वि.सं.२०७८ चैत २८ सोमवार १५:२० मा प्रकाशित
