हामी सबैकाे संसारन्यूज

पवन कुमार बुढाथोकी, बानेश्वर, काठमाडौं

१
कसरी भनुँ म, तिमीलाई त धेरै नै मन पराउँछु
अरूमा हैन, तिमीमानै मायाको झण्डा फराउँछु
तिमीलाई आउदै गरेको नव बर्षको सुभकामना
अब तिम्रो हृदयमा राम्रा कुराको अनुभूत गराउँछु ।

२
नचाहँदा नचाहँदै पनि यहाँ बिछोड हुन्छ
तिमीलाइ नछोड्ने नै त मेरो निचोड हुन्छ
अन्त त कतै नगैदेउ है म सङ्गै बस्देउ है
छोडेमा हामी दुबै जोर हैन बिजोड हुन्छ ।

३
जो छैन उसैसित रै रहुँ लाग्ने
जो निष्ठुरी हो उसैको भै रहुँ लाग्ने
अचम्म पो भो यो दुईदिने जिन्दगी
वास्ता नगर्ने कहाँ मात्रै गै रहुँ लाग्ने ।

४
तिमी म तिर किन पो होला हेर्न पनि हेर्दिनौ
रिसाउने पुरानो बानी अझै सम्म पनि फेर्दिनौ
सोच, तौर तरिका र ब्यवहार त फेरिदै जान्छन
मनमा पालेको पूर्वाग्रह अझै किन पो हो केर्दिनौ ? !

५
तिमीलाई त हरियो खुला चौरनै संझेर ढुक्कले चरेको छु
बलबुत्ताले भ्याए सम्म माया उमार्न मल जल नै गरेको छु
तिम्रो इच्छाहरु पुरा भए भएनन, मलाई थाहा पत्तो भएन
अनि,जान्न मन लाग्यो, म तिमिलाई कतिको मन परेको छु ।