हामी सबैकाे संसारन्यूज

बिष्णु ठकुरी
साई नन्दन, दिलाराम, दार्जिलिङ

किन गर्छौ हामी सिखो अरुको
भुलेर आफ्नो भाषा र संस्कृती
अनि मर्दैछौ निर्धो भएर फेरि
बिर्सेर आफ्नै माटोलाई हामी ।

किन नाच्छौ हामी अर्काको तालमा
भुलेर डम्फुको ताल र
मादलको धिङताङ्ग
सम्झना सम्म गर्दैनौ किन
मुरली र सारङ्गीको धुन ।

चौबन्दी चोली र फरिया
दौरा सुराल र टोपी साटेछौ किन
बिर्सेर आफ्नो जातिय भेषभुषा ।

किन गर्छौ हामी सिखो अरुको
भुलेर आफ्नो भाषा र संस्कृती
अनि मर्दैछौ निर्धो भएर फेरि
बिर्सेर आफ्नै माटोलाई हामी ।

सुकुल र गुन्द्री कता छन् कता
सिलौटो र लोहोरो कुन चरिको नाम
कमेरो र रातो माटोको चलन नै छैन
टायल्सको जिन्दगी जिउँदै छौ किन
दुखेर खुट्टा र घुँडा अनि क्तचापले फेरि
मर्दैछौ व्यर्थमा अल्पायु किन ?

किन गर्छौ हामी सिखो अरुको
भुलेर आफ्नो भाषा र संस्कृती……