हामी सबैकाे संसारन्यूज

काठमाडौं । गैरआवासीय नेपाली संघ (एनआरएनए) ले युरोपका विभिन्न देशमा बसेर मानव तस्कर गर्ने नेपालीको विवरण प्रमाणसहित प्रहरीलाई उपलब्ध गराउने चेतावनी दिएको छ ।

विगत केही महिना यतामात्र गैरकानुनी तवरले नेपालीहरु युरोप जाने÷पठाउने क्रममा धेरै नेपाली नागरिकको ठूलो मात्रामा धनजनको क्षति व्यहोर्नु परेको तथा कतिपयले ज्यानै गुमाउनु परेको घटनाहरु बाहिरीरहेको बेला समेत केही नेपालीहरु मानव तस्करमा संलग्न रहेको भन्दै त्यस्ता नेपालीविरुद्ध प्रमाण जुटाएर उजुरी दिने चेतावनी दिएको हो ।

संघले केही नेपालीको मृत्यु भएका, केही वेपत्ता भएको तथा केही अपरहणमा परेको घटना सेलाउन नपाउँदै फेरि केही नेपालीहरु अपहरणमा परि टर्किस प्रहरीद्धारा उद्धार गरिएको नयाँ समाचार आएको भन्दै यस्तो चेतावनी दिएको हो ।

‘यी यस्ता बारम्बारका घटनाहरुले गैरआवासीय नेपाली संघ टर्कीको गम्भीर ध्यानाकर्षण भएको जानकारी गराउँदै, यस्तो अवैद्य मानवतस्करी जस्तो कार्यहरुमा संलग्न नेपालीहरुका विरुद्ध केही उजुरी प्रमाण र निजहरुको परिचयपत्रसहित आएका हुँदा गैरआवायीय नेपाली संघ टर्किले आफ्नो अधिकार र कार्यक्षेत्र भित्र रहेर वास्तविकता र तथ्यहरु अनुसन्धान गरि निज मानव तस्करीमा संलग्न व्यक्तिहरुको विवरण परिचय पत्र र प्रमाणपत्रहरु सहित अपराध अनुसन्धान महाशाखामा पत्राचार समेत गर्नसक्ने व्यहोरो जानकारी गराउँदछौं ।’ एनआरएनए टर्किका महासचिव विनोद पौडेलद्धारा जारी विज्ञप्तिमा भनिएको छ ।