Logo
७ जेष्ठ २०७९, शनिबार
     Sat May 21 2022
E-paper
  English Edition
   Unicode
Logo

छन्द कविता : यात्रा



अविचल आस्था मणि
मनमैंजु, काठमाण्डौं

उकारेको इच्छा, शुभ समयमा शान्त नमन,
चलेको हावामा मधुसुमन बास्ना हरदम ।
छु आएको बोकी सुखद सपनाका कचहरी,
छु लाएको आफै अनुभव भरी ताज पगरी ।१।

अनायासै आँखा टल्पल भएका किन किन,
उज्यालो आत्मामा छलफल चलेको प्रशमन ।
गरौं बाधा भन्दै अविरल बढेको अघि थिएँ,
गरौं सेवा लाग्यो, अविचल खडा हाजिर दिएँ ।२।

सबै आफैं जस्ता, सरल मतिका इष्ट स्वजन,
छु पाएको साथी सविनय कलायुक्त नमन ।
गरेको आत्माले विकसित कथा यो अब सुन,
सेवाग्राही पाए सरलमतिमा सक्छु नुहुन ।३।

छु एक्लै यात्रामा मणिजडित आस्था अविचल,
छु पाएको बाटो शुभ मति लिएँ चल्न सरल ।
चुमेको आस्थाले हितकर उज्यालो किरणमा,
छु आएको हाँस्दै, अभिनय गरि चुम्दछु कणा ।४।

सदाचारी बन्दै सकुशल चलेको पथ यहाँ,
छु पाएको चल्ने समयसित मिल्ने रथ नयाँ ।
सपारेको इच्छा अनुभ मिलेको सरलमा,
सुखी यात्रा सञ्चोसित हुन गयो यो सहजमा ।५।

मुना खुल्छिन् गोरी, मुकुलित सफा सार्थक मन,
चलाएका बास्ना सररर चले आज पवन ।
जसो आए लेखें, हरफ सुकिला अक्षरगण,
उदाएका पाएँ रविशशि कलासाथ किरण ।६।

नयाँ बाटो खुल्दा, अविचलित आस्था वरपर,
सबै बाधा भागे, अचम महिमाको परपर ।
नयाँ साथी आए धवलित प्रभामा समुचित,
निकालेको पाएँ मिलनलय सच्चा र पुनित ।७।

सबै डाकें मान्छे, धवल मनका बढ्नु छ अघि,
छु आस्था ज्योत्स्नामा भरभर बनेको बुझ कवि ।
सबै आफ्ना ठान्ने, सरल मति राख्ने असल छु,
छु मानेको यात्रा अवधिभर बन्ने सरल छु ।८।

छन्द : शिखरिणी


यो खबर पढेर तपाईलाई कस्तो महसुस भयो ?

काठमाडौं । चितवनको भरतपुर महानगरपालिकाको मेयर पदमा नेकपा माओवादी केन्द्रकी नेृत रेनु दाहालले निरन्तर

इलाम । स्थानीय तहको निर्वाचनमा प्राय सबै पार्टीका शीर्ष नेताहरुले आफ्नो वडा र निर्वाचन

काठमाडौं । नेकपा (माओवादी केन्द्र) का वरिष्ठ नेता नारायणकाजी श्रेष्ठले स्थानीयतहमा निर्वाचित जनप्रतिनिधिहरुलाई आफुलाई

काठमाडौं । नेकपाका प्रवक्ता खड्गबहादुर विश्वकर्मा ‘प्रकाण्ड’ले सार्वजनिक रुपमा दिएको चुनौतिलाई हेर्दा लाग्थ्यो, कालिकोट