हामी सबैकाे संसारन्यूज

लामो समयसम्म श्रीमतीबाट कुटिएका एक श्रीमानले आफूमाथि श्रीमतीले गरेको अत्याचारका बारेमा सार्वजनिक गरेका छन् ।

भारतको हरियाणाको खरखादी विद्यालयका प्रधानाध्यापक समेत रहेका अजित यादव नामक ती व्यत्तिले आफ्नो परिवार नभत्कियोस् भनेरनै आफूले सबैकुरा सहेर बसेको बताउँछन् । बेला–बेलामा आफ्नै कुरा भन्न समेत डराउने उनले सन्तानकै लागि श्रीमतीको कुटपिट सहेर बसेको बताउँछन् ।

ती प्रिन्सीपलले आफ्नो नाममा रहेको घर श्रीमतीले नामसारी गरिदिन दवाव दिने क्रममा आफुमाथि दिनहुँ कुटपिट गरेको बताउँछन् ।

यस्तो छ ती प्रिन्सीपलको पीडा
म सरकारी विद्यालयमा पढाउछु । दुवैले प्रेम विवाह गरेका थियौं । ९ वर्षअघि बिना दाइजो बिहे गरेको थिए । सुरुमा सबै राम्रै चलिरहेको थियो । त्यसपछि के भयो थाहा भएन, श्रीमतीले यस विषयमा झगडा गर्न थालिन् ।। हातमा जे आउँछ त्यसैले हान्न थालिन् । कहिले छोरोको क्रिकेट खेल्ने ब्याट त कहिले पाइप त हातले पिट्न थालिन् ।

हामी बसेको फ्ल्याट मेरो नाममा छ । उनी उक्त फ्लाट आफ्नो नाममा बनाउन चाहान्छिन् । म माथि कुटपिट हुनु यो पनि कारण छ । उनको कुटपीटमा पनि म छोराको कारणले म मौन थिएँ । चलिरहेको घर नबिग्रियोस् भनेर उनको अत्याचार वर्षौदेखि सहदै आए । तर, पछिल्ला केही वर्षयता उनको अत्याचार बढ्दै गएको छ । घरका सबै सामान फुटेका छन् । मेरो लुगा पनि कैंचीले काटेर जलाइयो । थाहा छैन उनले किन यस्तो गरिन् ?

कुटपिटमा धारिलो हतियार प्रयोग
मंगलबार बिहान यो कुरा सार्वजनिक गर्दै पीडितले आफूमाथि कुटपिट गरेको औजार समेत सार्वजनिक गरेका छन् । तिनीहरूमध्ये एउटा रिन्ची पनि थियो । कुटपिटमा श्रीमतीले धेरै धारिलो हतियार प्रयोग गर्ने गरेको पनि उनले बताएका छन् ।

श्रीमती सुमनले भिवाडीको फ्ल्याट आफ्नै नाममा चाहेको अजितले बताएका छन् । दुवै अहिले एकै ठाउँमा बस्छन् । यसबाहेक अन्य सम्पतिमा पनि आफ्नो नाम राख्न आग्रह गरेको अजितले बताएका छन् । तर, यस बारेमा उनकी श्रीमतीले भने केही बोलेकी छैनन् ।

अजित यादवका वकिल गोविन्द सोनीका अनुसार श्रीमतीले उनलाई यति कुटपिट गरिन् कि अजित मानसिक रोगी समेत बनेका छन् । ‘हामीले सीसीटीभी देखाएर प्रहरीलाई भनेका थियौँ तर सहयोग पाएनौँ । राजस्थान हाईकोर्ट गयौं । त्यहाँबाट प्रहरी सुरक्षा दिइएको थियो ।’

नौ वर्ष अगाडि बिहे गरेका यादवको ८ वर्षका छोरा छन् । श्रीमतीले श्रीमानलाई पटकपटक कुटेको छोराले पनि देख्ने गरेको र त्यसको भिडियो फुटेज पनि सार्वजनिक भएको छ । धेरै फुटेजमा छोरा डराएको पनि देखिन्छ । छोराकी आमाले कोठामा दौडेर श्रीमानलाई कुटपिट गरेको भिडियो सार्वजनिक भएको छ । यो भिडियो पनि निकै भाइरल भइरहेको छ । यहाँ यो पूरै प्रकरणपछि श्रीमतीको कुनै बयान नआएको प्रहरी बताउँछ । महिला प्रहरी अधिकारीले आफूलाई सम्बन्धित महिलाबाट कुनै उजुरी नआएको बताएकी छन् । ऐजेन्सीको सहयोगमा