हामी सबैकाे संसारन्यूज

‘इलामे जेठो’ (शिव अधिकारी)
माई न प –१०, लुम्बाक, इलाम

१
साँच्चै भन्दा मानव चोला, अति गहन छ ।
आफ्नो कर्म अनुसार, जतै बहन्छ ।
धैर्य साथ असल कर्म, गर्न सके नि !
देह मट्टी भएपनि, कीर्ति रहन्छ ।

२
भड्किलो होइन, चटक्क पारी, छासेको जुँगाले ।
अति नै सुन्दर, देखिन्छ साथी, हाँसेको जुँगाले ।
प्रकृतिबाट, पाएको नाशी, पार्लरमा गएर,
न सान दिन्छ, न मान दिन्छ, टाँसेको जुँगाले ।

३
दिगो हुने कुन हो मसी ? हेर्नु परेन त ?
राम्रो लगाएर कसी, हेर्नु परेन त ?
केही सीमित ठाउँ बन्दा, सबै बनियो कि ?
दूर दराज भित्र पसी,हेर्नु परेन त ?

४
के भएको छ ?मुलुकमा, हेर्दै हेर्दैनन् ।
जति कराउन् न जनता, टेर्दै टेर्दैनन् ।
नेतृत्वले गर्ने यस्तो, अकर्मण्यताले,
मुलुकको मुहार कहिल्यै, फेर्दै फेर्दैनन् ।

५
ताक परे देखाउँला, खेला मोफसलको ।
कहिलेकाहीँ परौला नि,फेला मोफसलको ।
हज्जारौंमा भरे त्यही, चूरो हुनसक्छ,
भन्देको छु नगर ह, हेला मोफसलको ।