Sansar News
काठमाडौं । नेकपा (माओवादी केन्द्र)को केन्द्रीय समितिको बैठक केही समयका लागि स्थगित भएको छ ।
राजधानीको कमलादीस्थित प्रज्ञाप्रतिष्ठानको भवनमा असार १९ देखि जारी केन्द्रीय समितिको बैठकको आज अन्तिम दिन अध्यक्ष प्रचण्डले १२५ पोलिटव्युरो सदस्यहरुको नाम प्रस्ताव गरेपछि बैठकमा सहभागी नेताहरुले विरोध गरेका छन् ।
बैठकमा अध्यक्ष प्रचण्डले पोलिटव्युरो सदस्यमा प्रस्तावित नामहरु पढेर सुनाएपछि नेताहरुले केका आधारमा नाम प्रस्ताव गरियो भन्ने विरोध जनाएपछि केही समयका लागि बैठक स्थगित भएको बताइएको छ ।
प्रचण्डले प्रस्तावित नामहरु पढ्दा कतिपय दोहोरिएपछि प्रचण्डले फरक–परक लिस्टहरु मिलाउँदा यस्तो भएको र यसलाई स्थायी कमिटीले फाइनर गर्ने र सर्कुलर पठाउने बताएका थिए ।
राजधानीमा असार १९ देखि २१ सम्मका लागि बोलाइएको बैठक २१ र २२ गते स्थगित गरेर पदाधिकारीको टुंगो लगाउने छलफलमा जुटेको थियो ।
वि.सं.२०७९ असार २३ बिहीवार १६:०६ मा प्रकाशित
