हामी सबैकाे संसारन्यूज

बाबुकाजी सुवाल ‘विकेश निरासी’
चाँगुनारायण, भक्तपुर

बिहान सबेरै दिनेशलाई उसको बच्चैदेखिको साथीको फोन आयो । ‘दिनेश यसपालीको चुनावमा म सभापतिमा उठ्दैछु नि । तिम्रो परिवारको सबै भोट मलाई है ?’ उसले फोनमा भन्यो । चुनाव नसकिएसम्म दिनको एकपल्ट फोन नगरेको दिनै भएन ।

चुनाव सकियो । मंगले सभापति भयो ।

एकदिन दिनेशलाई समस्या पर्यो । उसले मंगलेलाई सम्झियो । उसले फोन मंगलेलाई फोन गर्यो । ‘को बोल्नुभएको ? हेलो ….. हेलो ….. हेलो …. । के हुन्छ यो नेटवर्क ….. ? केही सुनिएन ।’ उताबाट बोलेको सुनियो । लगतै फोन काटियो । त्यसपछि त्यो नम्बरमा कहिल्यै फोन लागेन ।