हामी सबैकाे संसारन्यूज

काठमाडौं । नेपाल कम्युनिष्ट पार्टी (एमाले) का उपाध्यक्ष यूवराज ज्ञवालीले मनोगतवाद नै एकताको बाधक भएको आरोप लगाएका छन् ।
४४ औं पुष्पलाल स्मृति दिवस समारोहमा आयोजित कार्यक्रममा एमाले नेता ज्ञवालीले नेपाली कम्युनिष्ट आन्दोलनमा कतिपय नेताहरुको मनोगतवादले कम्युनिष्ट आन्दोलन नै खतारामा पुगेको बताएका थिए ।

पुष्पलाल अध्ययन समाजद्धारा आयोजित सो कार्यक्रममा उनले पुष्पलालको गरिमा, ओज र महत्व दिनानुदिन बढ्दै गएको बताउँदै कम्युनिष्ट आन्दोलनमा सहि र परिपक्व बाटो लिएको बताए ।

पुष्पलाल दूरदृष्टि राख्ने नेता भएको बताउँदै उनले अहिलेका केही नेताहरुको मनोगतवाद र व्यक्तिवादी दंभले कम्युनिष्ट आन्दोलनमा समस्या पैदा भएको उल्लेख गरे ।
वामपन्थीहरुको एकताबद्ध आन्दोलन बलियो पार्नुपर्नेमा दक्षिणपन्थीहरुसँग गठजोड हुनु दुर्भाग्य भएको समेत उनले बताए ।

ज्ञवालीले एमसीसी पछिको एसपीपीले मूलुक पुरै पराधिन भएको बताउँदै वामपन्थीहरु मिलेमात्र दुर्घटना रोक्न सकिनेमा उनको जोड थियो ।

उनले ओली, प्रचण्ड र माधव नेपालहरुको नामै उल्लेख गरी एकताको वातावरण बनाउन आग्रह गरेका थिए ।

वामपन्थी नेता लोककृष्ण भट्टराईको अध्यक्षतामा सम्पन्न सो कार्यकममा माओवादी केन्द्रका नेता दिनानाथ शर्मा, नेकपा–(क्रान्तिकारी माओवादी), सिपी गजुरेल, नेकपा मालेका महासचिव सिपी मैनाली लगायतका वक्ताहरुले बोलेका थिए ।