Logo
८ आश्विन २०७९, शनिबार
     Sat Sep 24 2022
E-paper
  English Edition
   Unicode
Logo

कविता: छायाको टेको



निम्ब तरु, अर्घाखाँची

मनमा उठ्ने झस्काहरु कसरी कुन किनारले ठाम्छन् ?
ए ! बाबा
मैले उनान्सय ठामे
त्यसमाथि एक ठाम्न गाह्रो देख्छु

त्यस्तो कोमल कपनाले धर्ती फुटालेर बाहिर आउँछ भने
त्यस्तो पीपलको मुनाले पहरा फुटाल्छ भने
बिहानीले घाम त फुत्त क्षितिजमा निकाल्छ भने
म मान्छे
यति पनि स्फुर्ति निकाल्न नसकुँला ?

लाटोकोसेरोले दिन देख्दैन
तिमीले भन्ने यही त हो

ए ! बाबा
मैले उनान्सय ठामिसकें
यो एक के साह्रो गरुँगो भएको हो ?

एकान्त ठामिसकें
उदेक ठामिसकें
उराठ ठामिसकें
एकाउन्न ऐंठन ठामिसकें
उधुम घाममा आफ्नै छायाको टेको लिएर उभिरहें

टन्टलापुर घाम आफ्नै छायाको टेको लिएर ठामें
उनान्सय ठामें
एउटा एक ठाम्न भारी भयो


यो खबर पढेर तपाईलाई कस्तो महसुस भयो ?

मोहन अधिकारी, सिलगढी, भारत पशु–पंक्षीहरुको साँस्कृतिक सम्मेलन थियो । सबैले निस्पक्ष निर्णयको लागि सोझो,

कपिल किशोर घिमिरे दाङ्ग, हाल कैलाली १. कलिको माया छलिको कुरा बचने छुरा ।

काठमाडौं । ग्लोबल आइएमई बैंकले २ वर्षमै २ गुणा हुने मुद्दती योजना ल्याएको छ