Logo
८ आश्विन २०७९, शनिबार
     Sat Sep 24 2022
E-paper
  English Edition
   Unicode
Logo

कविता : दास क्यापिटल



बाबुराम न्यौपाने ‘उत्स’
दमक, झापा

वेद उपनिषद् गीता
या त्रिपिटक बाइबल
कुरान गुरुग्रन्थ
या त दास क्यापिटल
पढ्ने पानाहरु उही
ग्रन्थको सारतत्व
नजर नजरमा
विरोधाभासपूर्ण किन छ ?

गान्धीको पारदर्शी चस्माले
एउटा रङ देख्यो
हिटलरको चस्माले अर्को
लिंकन, मण्डेला,
आइन्स्टाइनले पढ्ने
पुस्तकालय एउटै थियो
तर अक्षेरको आकृति
अनुभूतिको आयाम फरक भयो ।

दास क्यापिटलको पानामा
लेनिनले
जारको पतन गर्न
अचुक अश्त्र भेट्टाए
क्रान्तिकारी माओको लागि
लालसेना गठनको
बुलन्द सूत्र फेलापर्यो
वि.पि.को चस्माले
समाजवादको ऐना देख्यो ।

सवाल उन्मुक्तिको थियो
सर्वहाराको मस्तिष्कमा
हँसियाहथौडाले
नयाँ दृष्टिकोणको
युगीन डोब खोपिदियो ।

होचिमिन्हको हनोई
वासिङ्टनको आक्रमण थेग्न
साम्यवादको छाता ओडेर
बंकर निर्माणमा जुट्यो
जर्मनी टुक्रयाइयो फेरि जोडियो
कोरियाको सग्लो आकास
दुई फब्ल्याटामा विभाजित छ ।

दास क्यापिटलको जगमा
बेजिङ्ग
पुँजीवादकै घरमा घुसेर
वासिङ्टनको सत्तामाथि
चुनौति प्रस्तुत गर्दैछ
सामरिक प्रभुत्वको
पुरानो किल्ला भत्काउँन तम्सदैछ ।

यता कान्तिपुरको
चमेना गृहमा
विश्व हल्लाउने
मार्क्सको
‘दास क्यापिटल’
खाजा खाएर हातपुछ्ने
च्यातचुते पाना बनेको छ ।

 


यो खबर पढेर तपाईलाई कस्तो महसुस भयो ?

मोहन अधिकारी, सिलगढी, भारत पशु–पंक्षीहरुको साँस्कृतिक सम्मेलन थियो । सबैले निस्पक्ष निर्णयको लागि सोझो,

कपिल किशोर घिमिरे दाङ्ग, हाल कैलाली १. कलिको माया छलिको कुरा बचने छुरा ।

काठमाडौं । ग्लोबल आइएमई बैंकले २ वर्षमै २ गुणा हुने मुद्दती योजना ल्याएको छ