हामी सबैकाे संसारन्यूज

म्यामराज राई, होम्ताङ्, भोजपुर

सिमेहाङ् साहित्यकार र भुमेहाङ् प्रमुख जिल्ला अधिकारी । दुवैजना एकार्कामा बालसखा साथी हुन् । उनीहरूको मित्रता अहिले पनि कायम छ । एकदिन चिया चुस्कीसककंगै गफैगफमा सिमेहाङ्ले भुमेहाङ्सित एउटा प्रस्ताव राखे, ‘गिनिज बुक दा अङ् नङ् छाप्मा फासाङ् । सिरिफा अक ढाङ्–ढाङ् हाचुनेइ ।’

द गिनिज बुक अफ द वल्ड रेकर्डमा नाम लेख्न सघाए,त्यसबापत आउने पुरस्कार आधाआधा बाँडौं भन्ने साथीको प्रस्ताव भुमेहाङ्ले अस्विकार गर्ने कुरै थिएन ।

‘दिन्छस् नि ?’ उनले पक्कापक्की गर्यो ।

फरक नपर्ने सङ्केत स्वरुप सिमेहाङ्ले टाउको हल्लाए । प्रमुख जिल्ला अधिकारीले दिएको विषयमा लघुकथा लेखेर रेकर्ड राख्न सिमेहाङ् तयार भए । छ घण्टामा दुईसय ओटाभन्दा बढी लघुकथा लेख्ने गरी जिल्लाले कार्यक्रमतालिका तय गर्यो । देशभर हल्ला चल्यो । जिल्लाले नै द गिनिज बुक अफ वल्ड रेकर्ड समितिका प्रतिनिधि झिकायो । सरकारको आदेशानुसार भुमेहाङ् कार्यक्रमको अघिल्लो दिन अन्तै सरुवा भए ।

सिमेहाङ्को अनुहारको रङ्ग उडिसकेको थियो । छ घण्टामा करिब बाह्र चोटी जति शौचालय गए । उनलाई अझै शौच आउला जस्तै छटपटीमा देखिन्थे ।