Logo
८ आश्विन २०७९, शनिबार
     Sat Sep 24 2022
E-paper
  English Edition
   Unicode
Logo

कविता : दुर्घटना



राधा पाण्डे, गैंडाकोट न.पा. (नवलपुर)

बगर बगरमा हिँडे
हिलाम्मे डहरमा हिँडे
काँडेघारीमा
साँगुरो गोरेटोमा
गब्रेटे बाटोमा
भिडभाड सडकमा
क्रान्तिको मार्गमा हिँडे
जता जहाँ हिँडेपनि,
बडो होसियार पुर्वक हिँडिरहें

अनेक तगारोहरु नाघें
धेरै साँघुहरु तरें
भेल तरें, खहरे तरें
खोलाहरु तरिरहें
समुद्रको माझधारमा पुगेपछि
अनायासै दुर्घटना भयो
यो मन,
मनसंगै ठोकियो

तत्कालीन मनको अवस्था
कतै प्रतिवाद गर्न नसक्ने,
हुँदापनि,
समयको सुदुर पखेरामा
ढुक्ढुकाइरहेको छ
बस्,
धड्कन चलिरहेको छ

जीवनको आँधीबेहरीमा सम्हालिएको यो मन
भुमरीमा थामिएको यो मन
सिसा सरी चकनाचुर भयो

यसरी टुक्रा टुक्रा हुनेगरी
अर्को मनसंग
मन,नठोकिनु पथ्र्यो
बडो अपसोच भयो
यो भवसागरको बिचमा
भयानक दुर्घटना भयो

मनले,
मनभित्रै आकांङ्क्षाको बारुद भरेर
विस्फोट गरायो

तत्कालीन मनको अवस्था
कतै प्रतिवाद गर्न नसक्ने,
हुँदापनि,
समयको सुदुर पखेरामा
ढुक्ढुकाइरहेको छ
बस्,
धड्कन चलिरहेको छ

ठक्कर क्रोधको होस्
या प्रेमको,
सबै बज्रपात भन्दा पीडादायी समय,
मनसंग मन ठोकिनु पो हुँदोरहेछ ।।


यो खबर पढेर तपाईलाई कस्तो महसुस भयो ?

मोहन अधिकारी, सिलगढी, भारत पशु–पंक्षीहरुको साँस्कृतिक सम्मेलन थियो । सबैले निस्पक्ष निर्णयको लागि सोझो,

कपिल किशोर घिमिरे दाङ्ग, हाल कैलाली १. कलिको माया छलिको कुरा बचने छुरा ।

काठमाडौं । ग्लोबल आइएमई बैंकले २ वर्षमै २ गुणा हुने मुद्दती योजना ल्याएको छ