Sansar News
रमा आचार्य, भरतपुर, चितवन
१
शुभ भावना
नारी सुखी भएको
हेर्ने चाहना ।
२
नारी दिवश
मनाउन बाध्य छन्
भई विवश ।
३
हिंसा घरको
अन्त्य गर्दै जानु छ
शिक्षा बाँढ्नु छ ।
४
सानी चेलीको
धेरैं छ हो चित्कार
पीडा भारी भो ।
५
बलात्कारका
धेरै छन् नि घटना
नारी मारेका ।
६
नारी भएरै
हाँस्न बोल्न गार्हो छ
मन खोलेरै ।
७
पिडा कति नि
लुकाउन बाध्य छन्
आफू लुटे नि ।
८
रूप धेरै छन्
सम्पूर्ण महिलाका
ब्यथा धेरैं छन्।
९
चेली करणी
उत्तेजना अज्ञान
भाछ मरणी ।
१०
यौन शोषण
आफ्नै हाड नातामा
बाध्य सहन ।
वि.सं.२०७९ भदौ १८ शनिवार ०८:३७ मा प्रकाशित
