Sansar News
रियाद । चीनले आन्तरिक द्वन्द्वबाट तहसनहस भएको इराकको पुनः निर्माणका निम्ति निरन्तर सहयोग गर्ने बताएको छ । साउदी अरबको राजकीय भ्रमणमा रहेका चीनका राष्ट्रपति सी चिनफिङले आर्थिक क्षेत्रको पुनःर्निर्माण, उद्योगको स्थापना,इराकी जनताको जीवनयापनमा सुधार, दिगो विकासका निम्ति निरन्तर सहयोग गर्ने बताएका हुन् ।
इराकी प्रधानमन्त्री मोहम्मद शिहाअल सुनीसँग आज यहाँ भएको भेटवार्तामा द्विपक्षीय सम्बन्धका साथै पारस्परिक हित र चासोका विषयमा मन्तव्य व्यक्त गर्दै चिनियाँ राष्ट्रपति सीले इराकलाई सहयोग गर्ने बताए । सिन्हा
वि.सं.२०७९ मंसिर २३ शुक्रवार १९:५७ मा प्रकाशित
