Sansar News
उत्तम विचार, काठमाडौँ
आफ्ना सारा तनमन खोली
डुब्छन् आफैँ मधुरस घोली ।
लेखी लामा र लघु विधामा
रम्छन् स्रष्टा नित कवितामा ।।१।
सुत्ने उठ्ने समय हुँदैन
खाना नानातिर मन छैन ।
हाँस्ने खेल्ने समय घटाई
स्रष्टा भुल्छन् कलम समाई ।।२।
भेटिन्छ्न् ती कवि कवितामा
बग्दो पानीसरि सरितामा ।
स्रष्टा हाम्रा मन मुटुमा छन्
छातीभित्रै हलचल गर्छन् ।।३।
बोकी हिँड्छन् असल विचार
बाँड्छन् माया रसमय प्यार ।
भाषा सेवी अतिशय शिष्ट
स्रष्टा नै हुन् अतिथि विशिष्ट ।।४।
स्रष्टा हाम्रा मुलुक सपार्ने
हुन्नन् कोही अबुझ बिगार्ने ।
आऊ आऊ कविवर आऊ
हाम्रो प्यारो मुलुक बचाऊ ।।५।
छन्द सूत्र : मत्ता ।
वि.सं.२०७९ मंसिर २४ शनिवार ०८:३५ मा प्रकाशित
