हामी सबैकाे संसारन्यूज

शम्भु प्रसाद पुडासैनी
नुवाकोट, हाल- बुसान दक्षिण कोरिया

१.
पुस्तक नै नपढि ज्ञान आफ्नो हुदैन
अर्काको नामको सामान आफ्नो हुदैन
अनेक आउछन चुस्न थरीथरी भमराहरु
यहाँ आफ्नै फुलको बगान आफ्नो हुदैन ।

२.
मुर्खहरु आफुलाई ज्ञानी सम्झन्छ
कन्जुस आफुलाई दानी सम्झन्छ
जसको मन भित्र हुन्छ पाप लुकेको
उसैले अरुलाई बेइमानी सम्झन्छ ।

३.
जब व्यवहार र बोलीमा फरक हुन्छ
मान्नुस आज र भोलीमा फरक हुन्छ
हेर्नुहोस निसाना नजिक अनि टाढाको
त्यसैले त तरवार र गोलीमा फरक हुन्छ ।

४.
म भएर नै मलाई बाँच्न दिनुहोस
गरेर अरुको भलाई बाँच्न दिनुहोस
जलेको आत्मा भित्र बाट त्यसै त्यसै
अब नकोर्नुहोस् सलाई बाँच्न दिनुहोस ।

५.
आजकल मन्दिरमा पुजारीको भर लाग्दैन
के पाप के धर्म कसैलाई केहि डर लाग्दैन
आउछन सम्बन्ध बनाई जान्छन स्वार्थ लुटि,
रुखो नै ठिक छु कसैको प्रिय हुने रहर लाग्दैन ।