हामी सबैकाे संसारन्यूज

लक्ष्मी स्मृति,बिराटनगर

१
बाहेक केहि थान अस्तु के छ मसँग
लगाउने गरी पनि दस्तु के छ मसँग
घरि घरि फर्किएर नियालेको देख्छु
नहेरि नहुने त्यस्तो वस्तु के छ मसँग ।

२
गुपचुप गुपचुप पाईला चाल्छन्, बचाउन छाडेर
नभएको रडाको मात्र उछाल्छन्, बचाउन छाडेर
छेउमै भयानक दुर्घटना होस् चिच्याउन् मान्छे,
बरु भिडियो बनाउन थाल्छन्, बचाउन छाडेर ।

३
किन बनाईयो यसरी बेचारा मन चसक्क दुख्छ
कहाँ होलान ति गुलिया नारा मन चसक्क दुख्छ
मान्छे भित्र मानवता दिनानुदिन हराईरहेको बेला
पशुले दिएको देख्दा साहारा मन चसक्क दुख्छ ।

४
छैन कुनै जायजेथा पनि खोई कसरी पो फेर्नु होला
खोटो छ भाग्य भन्छन् कस्तो कस्तो सगुन बेर्नु होला
बनाउन मन छ मलाई अलग्गै पहिचान यहाँ एउटा,
बाटाभरी कति जिन्दगी छन् कुन जिन्दगी हेर्नु होला ?

५
उल्फतको धन झैँ कुपनमा कति राख्छौ
आउँ कि म नआउँ दोमनमा कति राख्छौ
बैशाख बित्यो, मंसिर पनि त्यसै बितिरहेछ
कल्पनाको मात्र लगनमा कति राख्छौ ?