हामी सबैकाे संसारन्यूज

निम्बतरु, अर्घाखाँची

तिम्रो बेइमानीले
जब झ्याल खोल्छ
तब ह्वास्स ! गन्ध ठोकिन्छ पहिलो झप्को
जब बाटो लाग्छु
घरबाट निस्केर
पाइलैपिच्छे तिम्रो बेइमानी भोग्छु
तिम्रो बेइमानीको ढुङ्गामा ठेस लाग्छ दोस्रो झप्को
धारोमा तिम्रो बेइमानी तुरुक्क चुहिन्छ
बाटोमा तिम्रो बेइमानीले अल्झाउँछ
स्कुल हेर्यो कायल पार्छ
अरु सेवक संरचना हेर्यो हृदय फतक्क गल्छ
तिम्रो बेइमानी हात जहाँ जहाँ पर्यो
त्यहाँ त्यहाँ कुहिएको अवस्था छ
कुलो–कुलेसामा पुग्छु
खेतबारी हेर्छु
गोठ–करेसा हेर्छु
बगैँचा हेर्छु
जता जता हेर्छु
तिम्रो बेइमानीको आँधी
झुठको बाढी–पहिरोले यथार्थ तहसनहस देख्छु ।
तिम्रो बेइमानीले जब चुल्हो बाल्छ
भागमा जुठो देखिन्छ
गरिबको भोक मारेर
हाम्रो आँगनमा खेल्छ बेइमान
हाम्रो चौतारीमा तिम्रो बेइमानी कुरिरहेछ ।