हामी सबैकाे संसारन्यूज

नेकपा एमाले समर्थित प्रवासस्थित संगठन प्रवासी नेपाली मञ्च राष्ट्रिय कमिटी मलेसियाको दोस्रो अधिवेशन सम्पन्न भएको छ ।

२५ जुन २०२३ का दिन मलेसियाको राजधानी क्वालालाम्पुर स्थित होटल ग्रान्ड कन्टिनेन्टलमा नेकपा एमालेका बरिष्ठ उपाध्यक्ष इश्वर पोखरेलको प्रमुख आतिथ्यता, सो पार्टीका भौतिक पुर्बाधार तथा यातायात बिभागका प्रमुख कृष्णबहादुर केसीको विशिष्ठ आतिथ्यतामा सम्पन्न सो अधिवेशनले दयाराम कुमालको अध्यक्षतामा १३ सदस्यीय नयाँ कमिटी सर्वसम्मत चयन गरेको छ ।

सो कार्यसमितिको उपाध्यक्षद्वयमा खगेन्द्र श्रेष्ठ र जीवन देवान गाउँले, सचिवमा कृष्ण खड्का, उपसचिवद्वयमा दिनेश खप्तडी र रविन  कार्की रहेका छन् ।

त्यस्तै सदस्यहरुमा डिल्ली न्यौपाने, चित्रबहादुर थापा, टोपनारायण भण्डारी, नेत्र खड्का, छविलाल गिरी मोहन खाती र राधिका क्षेत्री रहेका छन् ।

संगठन विस्तारको क्रममा रहेको मंचले विश्वका ४१ देशमा हाल सम्म आफ्नो संगठन विस्तार गरिसकेको छ । मंचले यसवर्षकाृ अन्तसम्म ६० देशमा संगठन विस्तार गर्ने लक्ष्य राखेको बताइएको छ ।