Sansar News
काठमाडौं । निरन्तर परेको वर्षाका कारण देशभरीका विभिन्न नदीहरुको वहाव बढ्ने क्रम जारी रहेको छ ।
जल तथा मौसम विज्ञान विभागका अनुसार पछिल्लो केही घण्टायता रुपन्देहीको बुटवलस्थित तिनाउ नदीले खतराको तह पार गरेको हुनाले नदी तटीय क्षेत्रमा विशेष सतर्कता अपनाउन अनुरोध गरिएको छ ।
‘तिनाउ नदी बाढीमापन केन्द्र, बुटबलमा जलसतहले खतरा तह पार गरेको र बढ्दो रहेको छ । तिनाउ नदीका तटिय क्षेत्र र आसपास डुबान हुन सक्ने होचा स्थानमा हुनेहरू बिहान ९ बजे सम्म सुरक्षित स्थानमा रहनुहोला/जानुहोला ।’ जल तथा मौसम विज्ञान विभागद्वारा जारी सूचनामा उल्लेखछ ।
वि.सं.२०८० असार १९ मंगलवार ०८:०३ मा प्रकाशित
