Sansar News
गंगा लिगल, काठमाडौं
१.
देश सम्पति
सुरक्षित राखेर
बनौ इज्जति ।
२.
हामी नेपाली
देश रक्षा गर्नु छ
बढौँ सम्हाली ।
३.
राम्रो सस्कृति
गरौँ मिली सुधार
हैन विकृति ।
४.
मन चन्चल
नगरौ है कसैले
स्वच्छ छ जल ।
५.
कथा देशको
बनाऔ है रसिलो
हुन्छ रसको ।
६.
इच्छा स्वतन्त्र
राखौ मन उदात्त
पढौ है मन्त्र ।
७
भजौँ ईश्वर
मन भरी आनन्द
गरौँ रहर ।
८.
देश उत्थान
मिलि जुलि गरेर
खुसी छ मन ।
९.
होस्टे गर्नु छ
देश उठाउनु छ
हैँसे गर्नु छ ।
१०.
शिव दर्शन
मन भित्र राखेर
देव प्रसन्न ।
वि.सं.२०८० असार २३ शनिवार ०८:०८ मा प्रकाशित
