Sansar News
बिर्खे अञ्जान, थाहा, मकवानपुर
लक्का जवान उमेरमा
भर्खरै बनाए –नयाँ एउटा गुँड ।
त्यागेर आएको पुरानो घरमा
ममताले पोतेको रातो माटो मात्रै थिएन
त्यहाँ त बाल्यकाल हुर्किएको आमाको स्नेह
सद्भाव र विश्वासको फुलबारी थियो ।
मैले बनाएको गुँडमा
बढो हार्दिकताको साथ निर्माण गरेको
बचेरा कक्ष निकै नै लोभलाग्दो छ ।
अहो ! म त कति मूर्ख
जसरी छोडेथे मैले पुरानो गुँड
सन्तानले छोड्ने छन् –मलाई पनि बिर्सिएर
बचेरा कक्ष ।
हुनेछ उसको छुट्टै क्षितिज
उदाउँनेछ उसको दैलोमा नयाँ जुनकीरी ।
वि.सं.२०८० साउन ६ शनिवार ०७:४७ मा प्रकाशित
