हामी सबैकाे संसारन्यूज

पत्रकार रवीन्द्र मिश्र नेतृत्वको साझा पार्टीको प्रवास सङ्गठन साझा सदभाव समूह दक्षिण कोरिया थेगु क्षेत्र भगवाण शाहीको संयोजकत्वमा गठन भएको छ । हाल १५ सदस्यीय उक्त समूह क्रमशः सदस्य सङ्ख्या थपिदै लगिने छ ।

नेपालको दुषित राजनिति सफा गरेर समृद्धितिर अगाडी बढ्नको लागि पद्धति, पारदर्शिता, इमान्दारीता र उत्कृष्टताको चार खम्बा अत्यन्तै अहिलेको आवश्यक्ता रहेकोले यसले अबको राजनितिक निकास र आर्थिक विकासमा ठूलो परिवर्तन ल्याउने दृढविश्वासका साथ आफुहरुले समर्थन गरेको सहभागीहरुले बताएका थिए ।

यसअघि कोरियामा सोल, ख्यङ्गी दो, फारान, ग्वाङ्जु, उल्सानलगायत नौ वटा क्षेत्रगत समूह निर्माण भएर प्रथम केन्द्र वैठकसमेत सोलमा बसिसकेको कोरिया केन्द्र सदस्य तथा अनुशासन विभाग प्रमूख वैरागी माइलाले बत्ताए ।

साझा पार्टीको पद्धति, पारदर्शीता, इमान्दारीता र उत्कृष्टता चार खम्बालाई चार ल्यापटप कोरियाबाट प्रदान गरिने कुरा कोरिया केन्द्र सदस्य तथा आर्थिक विभाग प्रमूख मान बहादुर विष्टले बत्ताए । उनले भने, ‘ख्यङ्गी दो समूहबाट दुई वटा ल्यापटप केन्द्र कार्यलय नेपालमा पठाई सकिएको छ । अब, दुई वटा छिट्टै पठाइने छ । सबै क्षेत्रका सदस्यहरु स्वेच्छिक सहयोग गर्न उत्साहपूर्वक लाग्नु भएको छ ।’

साझा पार्टीको चार खम्बाले विशिष्ट महत्व बोकेकोले देशको राजनितिक निकास र आर्थिक विकासमा तदारुकताका साथ लाग्न थप हौसला मिलोस भन्ने सन्देश दिन चार खम्बालाई चार ल्यापटप प्रदान गर्ने निष्कर्षमा कोरिया केन्द्र पुगेको केन्द्र समन्वय संयोजक मिलनकान्छा किरातीले बत्ताए । उनले भने, ‘हामी नेता हुनेभन्दा पनि उद्यमी बन्न साझा पार्टीमा आवद्ध भएका छौँ । हामी छिट्टै कोरियाको ४० हजार श्रमजीवी नेपालीलाई स्वदेशमै आत्मनिर्भर उद्यमी बन्न उत्प्रेरित गर्ने इन्नोभेसन तयार गरेर सबैलाई समेट्ने छौँ । यदि नेतृत्वले सहयोग गर्ने हो भने नेपालमा कोरियाबाट मात्रै एकैचोटीमा ४० हजार साना, मझौला उद्योग खुल्नेछन । चार लाखभन्दा बढीले रोजगार पाउनेछन ।’