Sansar News
लेगोस, नाइजेरिया । गैरआवासिय नेपाली संघ (एनआरएनए) को चौथो मोबाइल ब्लड बस परियोजना अन्तर्गत कोशी प्रदेशका लागि खरिद गर्न लागिएको मोबाइल ब्लड बैंक बसलाई एनआरएनएन नाइजेरियाले रु एक लाख सहयोग पठाएको छ ।
उक्त बस पुर्वान्चलका सबै जिल्लामा सेवा पुर्याउने गरि नेपाल रेडक्रस सोसाइटी सुनसरीले धरान आधार बनाई संचालन गर्नेछ । यसअघि एनआरएनएले चितवनको भरतपुर र सुदुरपश्चिम प्रदेशको धनगढीमा मोबाईल ब्लड बैंक बस स्थानिय रेडक्रसलाई हस्तान्तरण गरि संचालन भइरहेका छन् ।
हाल कोशीको धरान, मधेशको जनकपुर र लुम्बिनीको बुटवलमा ब्लड बैंक बस उपलब्ध गराउन एनआरएनएले अभियान चलाईरहेको छ ।
वि.सं.२०८० असोज ८ सोमवार १५:०२ मा प्रकाशित
