Logo
२५ श्रावण २०७९, बुधबार
     Wed Aug 10 2022
E-paper
  English Edition
   Unicode
Logo

तरकारी बजारलाइ व्यवस्थित वनाउने अभियान



 

१५ बैशाख, दमक। झापाको दमक बजार क्षेत्रमा तरकारी तथा फलफूल बजारलाई नमुना तरकारी बजारका रुपमा विकास गराउन स्तरोन्नतिको काम थालिएको छ ।

दमक नगरपालिका–६ स्थित नगरपालिकाको स्वमित्वमा रहेको नयाँ तरकारीबजारलाई थप व्यवस्थित बनाउन स्तरोनन्तिका काम थालिएको हो । दमक उद्योग वाणिज्य सङ्घको पहलमा तरकारी व्यवसायी र दमक नगरपालिकाको साझेदारीमा विभिन्न पूर्वाधार निर्माणका काम थालिएको नयाँ तरकारी बजार निर्माण उपभोक्ता समितिका अध्यक्ष कुमार श्रेष्ठले जानकारी दिनुभयो ।

बजारभित्र सोलार जडान गर्ने योजना छ । व्यवसायीको सक्रियतामा तरकारी बजारलाई नमुना बनाउन लागिएको हो । विसं २०६९ देखि नगरपालिकाले स्थानीय तरकारी व्यवसायीको साझेदारीमा कृषि सामग्री संस्थाको अढाई बिगाह जग्गा २१ वर्षका लागि भाडामा लिएर तरकारी बजार सञ्चालन गरेको हो ।

दमक उद्योग वाणिज्य सङ्घका अध्यक्ष राजेन्द्र ढकालका अनुसार पूर्वाधार निर्माणका लागि रु २४ लाख खर्च हुने बताउनुहुन्छ । नगरपालिकाको ७५ प्रतिशत र व्यवसायीको २५ प्रतिशत लगानी रहने छ । वर्षा याममा पानी जम्ने, हिलाम्मे हुने गरेका कारण त्यसलाई व्यवस्थित गर्न थालिएको हो ।

अहिले टायल बिच्छ्याउने  तथा कर्कटपाता लगाएर घामपानी छल्नेसहितका संरचना निर्माण भइरहेका छन् । सो कार्यका लागि ३१ जना व्यवसायीले रु १६ लाख लगानी गरिसकेका छन् ।

तरकारी बजारमा १७६ वटा कक्ष छन् । नगरपालिकाले ती सवै कक्षबाट मासिक कर उठाउँदै आएको छ । दमक नगरपालिकाका कार्यकारी अधिकृत युवराज दाहाल तरकारी बजारको पूर्वाधार निर्माणमा नगरपालिकाले सहयोग गर्र्दै आएको बताउनुहुन्छ । उक्त बजारमा स्थानीयदेखि पूर्वी पहाडी भेगका साथै भारतका विभिन्न ठाउँबाट ठूलो परिमाणमा तरकारी आयात गरिँदै आएको छ ।


यो खबर पढेर तपाईलाई कस्तो महसुस भयो ?

काठमाडौं । सवारी चालक अनुमति पत्र (लाइसेन्स)को लागि लिइने परीक्षामा ७० अंक ल्याए पास

युके । माधव कुमार नेपाल नेतृत्वको नेकपा (एकिकृत समाजवादी) निकट प्रवासी नेपाली एकता मञ्चको

काठमाडौं । काठमाडौंको मुटु मानिने थापाथलीमा रहेको नर्भिक अस्पतालले एक रोपनी ८ आना १

काठमाडौं । सरकारले निर्वाचनको मिति घोषणा गरेसँगै उम्मेदवारी घोषणाको क्रम पनि सुरु भएको छ

नवलपुर– पढाईमा उत्कृष्ट हुन थालेपछि नवलपुरमा निजी छाडेर सरकारी विद्यालय रोज्ने बढ्न थालेका छन्