हामी सबैकाे संसारन्यूज

दुर्गाप्रसाद सिग्देल,बिर्तामोड

स्नान गर्न भनी साधु जादैथे नदीका तट
त्यो बेला जलमा बिच्छी बग्दै आएछ सल्सल

उद्धार गर्दिए त्यस्को नदीका जलमा पसी
डस्न लागेछ त्यो बिच्छी उनकै हातमा बसी

हात हल्लाउँदा बिच्छी तत्कालै जलमा झर्यो
उस्कै कारणले गर्दा ऊ आफैँ नदीमै पर्यो

तैरेर जान लाग्दैथ्यो उद्धार जीवको भयो
सुख्खा बगरमा पुग्दा पुःन डस्न तयारथ्यो

जलेर पनि क्रोधाग्नि मन शान्त गरी कन
पुनः उद्धार गर्दाझन् देखायो दुच्छरी पन

स्वभाव कतिहो दुष्ट जीवन् दान गरे पनि
रुष्टबानीकता छोड्थ्यो साधुका साथमा पनि

कुनै पुरुष हिड्दैथे नदी किनारको पथ
भन्दैथे प्राणीको रक्षा गर्नेछ साधुको मत

बढ्नेछ साहसी ब्यक्ति लक्ष बोकेर निश्चित
मार्ग अल्झाउने रुष्ट ब्यघ्रहोस् कित वृश्चिकः

दुख्ख र सुखमा जल्ले सम्झेर साथ गर्दछ
उपकारी गुणी मान्छे सत्यको सँग पर्दछ

छन्द : अनुष्टुप