हामी सबैकाे संसारन्यूज

मनीषकुमार शर्मा ‘समित’
मध्यपुर ठिमी, भक्तपुर

‘ए बा ! उनीहरू फेरि पो आए जस्ता छन् ।’

‘हँ ! हो र ? सोधिहाले भने बा घरमा हुनुहुन्न भन्दे है ?’

दुईचार दिन अघि मात्र मिटरब्याजी साहुकारले सातो लिएका बाको हातखुट्टा काम्न थाल्यो । बा हत्तारिंदै घरभित्र छिरे । आगन्तुक पनि जमात सहित आँगनमा झुल्कँदै सोधे –

‘ए बाबु ! बा हुनुहुन्न घरमा ?’

‘बा त हुनुहुन्न । सहरतिर जानु भएको छ । १५–२० दिनमा फर्कने भन्दै हुनुहुन्थ्यो ।’

‘लौ मार्यो एक भोट खेर गइहाल्यो नि ।’ आगन्तुक अलि निराश देखिए ।

छोरोले उज्यालो मुखाकृति बनाउँदै भन्यो ‘ए बा ! बाहिर निस्कनुस् त । पैसा लिने हैन दिने आउनु भएछ ।’