हामी सबैकाे संसारन्यूज

कोपिला बर्देवा, काठमाडौं

मलाई जसरी पनि सफल हुनुछ
किनकी, आमालाई खुशी जो बनाउनु छ
ती चाउरी परेर खुम्चिएका गालामा
मीठो मुस्कान जो ल्याउनु छ

तिमिलाई हेप्ने पल्ला घरे छिमेकीलाई
मेरो सफलताले जवाफ जो दिनु छ
मेरा लागि धेरै दुःख गरेकी छौ आमा
बुढेसकालमा सुखमा तिमिलाई जो राख्नु छ

तिम्रो माया अनि तिमिले गरेको दुःखको
ऋण त पक्कै पनि तिर्न सक्दिनँ होला
त्यसैले हार पनि त खानु छैन आमा
किनकी मेरो जित नै तिम्रो खुशी हुनेछ आमा

समाजलाई भर्खरै चिन्दैछु आमा
स्वार्थी मान्छे कस्ता हुन्छन् बुझ्दै छु
जति हार खानु त खाइसके आमा
अब अनुभवले जिन्दगी चलाउनु छ

छोरी अरुका घर जानि त हुन नि
भन्ने समाजलाई गतिलो जवाफ दिनु छ
तिमिलाई पार्वती अनि बुबालाई शिव बनाएर
एकदिन सफलताको शिखरको फेरो लगाउनु छ आमा ।