Sansar News
विमुन्स पौडेल, पोखरा, कास्की
सधैँ देख्छु आँखामा लुकेका कुरा के हुन्
भने पो बुझिन्थे ती दुखेका कुरा के हुन्
नबोल्ने बन्यौ धेरै भएको समय सोँच्छु
नदेख्ने गरी अन्तै डुलेका कुरा के हुन्
मलाई जलायौ मन लगायौ कतै अन्तै
थियो के कुनै गल्ती सुनेका कुरा के हुन्
निकै बेर घोरिन्थ्यौ अरू साथमा बस्दा
नयन फेरि अर्कैसँग जुधेका कुरा के हुन्
भन्यौ छैन परिचय नै सधैँ भेट के हुन्थ्यो
लगन झैँ सधैँ भेट्ने जुरेका कुरा के हुन्
बहर : तबिल मुसम्मन सालिम
वजन : १२२ १२२२ १२२ १२२२
वि.सं.२०८० फागुन २६ शनिवार ०८:१७ मा प्रकाशित
