Sansar News
दुर्गा क्षेत्री, नवलपरासी
तिमीले बिर्स्यौ हात तानेको मैले
तिमीलाई रानी हुँ मानेको मैले
कसैले मेरो मन जितेनन् जीवनमा
तिमी हौ सयमा एक छानेको मैले
परीजस्तीले दिल दिँदा तर्कन्थेँ खुद
बसिन् दिलमा जो राम्री ठानेको मैले
म तिम्रो चोखो प्यारमा पागल बन्दा
हुँ आफैँलाई चक्कु हानेको मैले
सिकाएनन् सत् प्रेमको साँचो अर्थ
यही पागलपनबाट जानेको मैले
रगत बेची तिम्रो गरेँ इच्छा पूरा
छु पानीले खुद प्राण धानेको मैले
बहर : अनुराग
वजन : १२२२/२२/१२२२/२२
अर्कान : मुफाईलुन् फैलुन् मुफाईलुन् फैलुन्
काफिया : आ
तहलिली रदिफ : नेको
रदिफ : मैले
वि.सं.२०८१ असार ८ शनिवार ०९:३६ मा प्रकाशित
