Sansar News
काठमाडौँ । सरकारले पहिलो पटक काठमाडौँ उपत्यका बाहिर धान दिवस मनाउने भएको छ । कृषि मन्त्रालयले राष्ट्रिय धान दिवस काठमाडौँ उपत्यका बाहिर मनाउन लागेको हो । मन्त्रालयले शनिवार चितवनको बछौलीमा डेढ बिगाहामा रोपाइँ गरेर २१औँ धान दिवस मनाउन लागेको छ ।
२०६० सालदेखि नेपालमा बर्सेनि असार १५ गते धान दिवस मनाइँदै आइएको छ । मन्त्रालयले धान दिवस मनाउँदै आए पनि काठमाडौँमा सीमित थियो ।
मन्त्रालयले चितवनबाट औपचारिक रूपमा सुरु गर्न लागेको २१औँ धान दिवस तथा रोपाइँ महोत्सवमा प्रधानमन्त्रीसहित कृषि मन्त्री ज्वाला साह, स्थानीय जनप्रतिनिधिहरू र किसानहरू सहभागी हुनेछन् ।
‘बछौलीमा करिब ढेड बिगाहा जग्गामा धान रोपाइँ गरिनेछ’, मन्त्री साहले कार्यक्रमबारे भनिन्, ‘वास्तविक किसानसँग नै धान दिवस मनाउँछौं ।’
वि.सं.२०८१ असार १४ शुक्रवार १४:१४ मा प्रकाशित
