हामी सबैकाे संसारन्यूज

दाहाल कल्पना, काठमाडौं

१.
प्रकृतिकै काम छ होला सायद मेरो नाममा
सबैसँग घुलमिल गर्ने गुण छ तिमी आकाशमा
समुद्र बादल एकै नभए पनि सम्बन्धित भएझैँ
मन मुटु र दिमाग कति सहृदयी आफ्नो तालमा ।

२.
देवी देउता नाम जपी पेटकै लागि भाक्नु पर्ने
सजिलो र धेरै जहाँ छ शीत ताप पाक्नु पर्ने
आफूसँगै पेट हिँड्छ पापी पेटको सवाल छ
फरक चरित्रले जीवन अप्ठ्यारोमा झाँक्नु पर्ने ।

३.
न त पाउमा पाउजु चाहिने न त श्रीपेच लाइने
न छ सुख न धरो आङमा, न त भरपेट खाइने
भन्छन् यहाँ लोकतन्त्र तर खै छैन प्रजातन्त्र
सत्य कुरा न त बोल्न न त सुन्न देख्न पाइने ।

४.
कोही दिन्छन् सुरक्षा चिडियाघरमा कोही बन्छन् व्याधा
जोडी त हुन् रुक्मिणी कृष्ण तर मुखमा सबैको राधा
निःसार कालो रातपछि त मन्द प्रकाश शीतल, छाउँने शान्त, कोमल, पूर्ण
उपमा दिन्छन् देखिन्छ तर आधा ।

५.
छुट्टिन्छ पीडा बाहिर लिए पनि अरूको चासो
थाहा छैन तिर्ने दैवदेखिको कति होला नासो
मुस्कानभित्र पक्कै गुम्सिएको हुन्छ रोदन पनि
यमराजले कहिले थाप्छ आफ्नो सुटुक्क पासो ।