back

कविता : मातृभूमि

वि.सं.२०८१ असार २२ शनिवार

318 

shares
RBB AD
NTC AD
Rastriya Swastha Sikshya Suchana Tatha Sanchar Kendra

अलख निरन्जन लोहार
टीकापुर, कैलाली हाल- भारत

माटो राख ललाटमा मन बुझोस् जानोस् यसैको फल,
मेरो हो शिर पाउसम्म बहने नेपालको यो जल,
हे आमा म त काखमा लडिबुडी पोल्टो भरी खेल्दछु,
त्यो आशिष् शिरमा भए भुवनको गाह्रो सबै झेल्दछु ।१।

मेरो माथ हिमाल शैल शिरको टोपी त हो जान्दछु,
कर्णाली तट वृक्षका उदरमा यो ज्यान छ मान्दछु,
कस्तो सुन्दरता पहाडमुनिको प्यारो तराई धरा,
झुल्छन् धान सुगन्धमा नित झुली फल्छन् सुनैका गरा ।२।

मिठा व्यञ्जन खेतका बिच पुगे बिर्स्यो कथा गन्थन,
खेती हो घर बिस्तरा पनि सबै खेतै त हो आँगन,
मेरो सुन्दर शान्त देश जगको हो स्वर्गको आँचल,
हुन्छन् साँझ विहान साफ दिलका ती वीरका प्राञ्जल ।३।

लाखौंका दुख हर्दछन् सबजना सम्मानको आलय,
गर्छन् आपसमा बडो मधुरले मीठा कुरा सञ्चय,
दिन्छन् भाष्करले उँचो सगरको उत्साहको मौसम,
गर्मी छल्न परोस् चिसो सिरकमा आयो भने सम्झन ।४।

यस्तै ठाँट छ हेर गाउँघरमा पानी पँधेरो गरी,
गर्ज्यो मेघ पहाडका सगरमा झर्छन् मजाले झरी,
मेरै आँगन लाग्छ खूब रसिलो प्यारो छ आफ्नो घर,
मेरो देश म भित्र बस्छ जहिले अर्को कहाँ पो छ र ।५।

छन्द : शार्दूलविक्रीडित
गण : म स ज स त त गु
सङ्केत : SSS  llS  lSl  llS  SSl  SSl  S

 

वि.सं.२०८१ असार २२ शनिवार ०७:२९ मा प्रकाशित

NLIC AD
NABIL bank AD
ADBL AD
लघुकथा : तरकारीको स्वाद

लघुकथा : तरकारीको स्वाद

मुरारीराज मिश्र, कुमारीगाल, काठमाडौं ’तिमीले पकाएको तरकारीको स्वाद किन यत्ति...

लघुकथाः अपकृत

लघुकथाः अपकृत

मनीषकुमार शर्मा ‘समित’ मध्यपुर ठिमी, भक्तपुर पितृलोकमा मातृपितृ आत्माहरू उत्साहमा...

कविता : जीवन बुझ्नै गाह्रो छ

कविता : जीवन बुझ्नै गाह्रो छ

विदुर अधिकारी, रामपुर, चितवन शान्ति धरामा, भाग्दै छ क्रोध असाध्यै,...

मु्क्तक

मु्क्तक

बाबुराम न्यौपाने 'उत्स'दमक, झापा १. लेखक साहित्यकार नत कार्यकर्ता नत...

सुसेली

सुसेली

उत्तम शर्मा 'दर्शन' पाँचखाल, काभ्रे १ युवा जोसमा गरौं काम...

कविता : साउनको रूप

कविता : साउनको रूप

समीप बैरागी, रोल्पा देख्छु - चेलीहरूको कोमल हातहरूमा-रङ्गहरूको उत्सव सोमबारे...