Sansar News
भुवन शिवाकोटी चौघरे, काठमाडौं
सखारै
ऐनामा आफ्नै अनुहार हेरेपछि
लाग्दैछ
ऐना पनि झुटो बोल्छ
जगतमा
ऐना देख्ने त
केवल आँखा रहेछन्
ऐनामा अनुहारको भाव बुझ्ने
दिमाग रहेछ
हेर्न त
धेरै पटक
उज्यालोमा नै ऐना हेरियो
थरी थरीका रङ्गीन ऐना हेरियो
तर
बल्ल बुझें
अन्धकारमा ऐना फुट्न सक्छ
चर्कन सक्छ
तर आकृति हेर्न सकिदैन
अन्धकारको ऐनाले
चिनाउन नसक्ने दर्पण हेर्न त
मनको कुरो देख्न त
मनकै ऐना चाहिनेरहेछ
मनको ऐना देखेपछि
मन चिन्न
पर्खालको ऐना चाहिदैन
र
मनको ऐना
कहिल्यै पनि चर्किदैन ।
वि.सं.२०८१ साउन ५ शनिवार ०७:३२ मा प्रकाशित
