काठमाडौँ । साताको तेस्रो दिन मङ्गलवार सेयर कारोबार मापक नेप्से ओरालो लागेको छ । मङ्गलवार समग्रमा नेप्से आठ दशमलव १८ बिन्दुले ओरालो लागेर दुई हजार नौ सय २३ दशमलव ४६ अङ्कमा झरेको हो ।
नेप्से ओरालो लागे पनि कारोबार रकम भने उल्लेख्य भएको छ । मङ्गलवार करिब २१ अर्ब ५१ करोड ५० लाख रुपैयाँ बराबरको पाँच करोड २७ लाख ६४ हजार कित्ता सेयर किनबेच भएको नेप्सेले जनाएको छ ।
आजको कारोबारमा कूल सूचीकृत कम्पनीमध्ये एक सय ५१ कम्पनीको मूल्य घट्दा ८० कम्पनीको मूल्य उकालो लागेको छ । छ कम्पनीको मूल्यमा कुनै पनि परिवर्तन नआएको नेप्सेले जनाएको छ ।
बैङ्किङ, फाइनान्स, लगानी समूह, जीवन बिमा र व्यापार बाहेक बाकी सबै ८ कम्पनी उपसूचक समूहको मूल्य घटेको छ ।
मातृभूमि लघुवित्त, न्यादि जलविद्युत, पिपुल्स पावर, डोल्टी पावर, गुडविल फाइनान्स, प्रोग्रसिभ फाइनान्स, शुभम् पावर, राप्ती जलविद्युत हिमाल दोलखा जलविद्युत लगायतका कम्पनीका लगानी कर्ताहरूले मनग्य कमाएका छन् ।
उता सगरमाथा जलविद्युत, आतम्नीवर लघुवित्त, नेपाल फाइनान्स, अभियान लघुवित्त, कर्नाली बिकस बैंक, मैलुङ खोला जलविद्युत कम्पनी लगायतका कम्पनीका लगानीकर्ताहरू धेरै गुमाउनेमा परेका छन् ।
वि.सं.२०८१ साउन २९ मंगलवार १५:२३ मा प्रकाशित
