हामी सबैकाे संसारन्यूज

हेटौँडा । हेटौँडा उपमहानगरका व्यवसायी आन्दोलनमा उत्रिएका छन् । कर वृद्धिको विरोधमा उनीहरू आफ्ना व्यवसाय बन्द गरेर आन्दोलनमा होमिएका हुन् । मकवानपुर उद्योग वाणिज्य सङ्घले नेतृत्व गरेको छ ।

कर वृद्धिविरूद्दको आन्दोलनलाई ऐक्यबद्धता जनाउँदै व्यवसायीहरूले शुक्रवार आफ्ना व्यवसाय बन्द गरेर उपमहानगर कार्यालयमा धर्ना दिएका छन् । व्यवसायीहरूले व्यावसायिक सटरको साँचो उपमहानगरपालिकालाई बुझाउने तयारी गरेका छन् ।

व्यवसायीहरूलाई प्रहरीले कार्यालय प्रवेशमा रोक लगाएको छ । कार्यालयको मूल गेटमा प्रहरीले छेकबार लगाउन खोजे पनि व्यवसायीहरू प्रहरीलाई धकेलेर परिसरभित्र प्रवेश गरेका छन् । कार्यालय परिसरबाटै व्यवसायीहरूले नाराबाजी गरिरहेका छन् ।