हामी सबैकाे संसारन्यूज

काठमाडौँ । राष्ट्रिय वाणिज्य बैंकले चाडपर्वलाई लक्षित गरी आरवीवी भेहिकल लोन फेष्टिबल अफर सार्वजानिक गरेको छ ।

यहि भाद्रा महिनादेखि सो अफर ल्याएको आरवीवीले ऋणीलाई ७.७७ प्रतिशत स्थिर ब्याजदरमा निजी सवारी (रातो प्लेट) प्रयोजनको लागि “ फेष्टिबल अफर अफ भेहिकल लोन ” गाडी कर्जा योजना ल्याएको हो । बैंकका अनुसार मासीक किस्ताबन्दीमा कर्जा भुक्तानी गर्ने गरी बैंकले अधिकतमा एक करोड रुपैंया ७ वर्ष अवधिको लागि कर्जा लगानी गर्नुका साथै कर्जा अवधिभर ब्याजदर परिवर्तन नहुने  जनाएको छ ।

बैंकका अनुसार गाडीको कोटेशनमा अंकित मुल्यको विधुतीय गाडी(इभी)को हकमा बढिमा ८० प्रतिशत र पेट्रोल/डिजेल गाडीको हकमा बढीमा ५० प्रतिशतसम्म बैंकले कर्जा लगानी गर्ने छ ।

यो अफर सम्बन्धी विस्तृत रुपमा जानकारी लिनको लागि आरवीवीको नजिकैको शाखा कार्यलयमा गएर बुझ्न सकिने बैंकले जनाएको छ ।

यो अफर यहि २०८१ भाद्र १ गतेदेखि २०८१ कार्तिक मसान्तसम्मको लागि मात्र रहनेछ ।