हामी सबैकाे संसारन्यूज

विदुर अधिकारी, चितवन

प्यारी हौ तिमी,जीवनको घर
तिम्रा साधना, छन् अति सुन्दर
बन्छ्यौ कामिनीझैँ मनमोहक
शोभा हौ तिमी, प्रेम उपासक
(१)

नाच्छ्यौ उर्वशीझैँ अति सुन्दर
हाँस्छ्यौ रुक्मिणीझैँ खुब सादर
बोल्छ्यौ प्रेमले, छैन कुनै धक
शोभा हौ तिमी,प्रेम उपासक
(२)

सोच्छ्यौ भोलिको,निम्ति छ के कम
भन्छ्यौ भूमिमा, कर्म छ उत्तम
छैनौ प्रेममा, दुष्ट अराजक
शोभा हौ तिमी, प्रेम उपासक
(३)

तिम्रा नेत्र छन्, सौम्य सधैँभर
तिम्रा केश झन्, दिव्य मनोहर
तिम्रा सिर्जना, वर्णन लायक
शोभा हौ तिमी, प्रेम उपासक
(४)

रम्भा हौ तिमी,स्वर्ण परीसरि
चुम्छ्यौ सिर्जना, हेर सधैँभरि
तिम्रा प्रेरणा, छन् सुखदायक
शोभा हौ तिमी,प्रेम उपासक
(५)

छन्द : नरेश्वर
गण : म य स ल ल
संकेतः SSS lSS llS l l
यति :५ अक्षरमा