हामी सबैकाे संसारन्यूज

दिपक पनेरु, सागरनाथ,सर्लाही

झुटो सम्बन्धको असलियत देखिन थालेको छ
मित्रतामा धनको कैफियत देखिन थालेको छ

टिक्दैन धेरै समय स्वार्थपूर्ण भावनाको नाता
सज्जनबाटै तिरेको दियत देखिन थालेको छ

बायाँ हातमा रोगी बाउको रिपोर्ट बोक्ने छोरोको
दायाँ हातमा भने वसियत देखिन थालेको छ

मातापिताको सेवा सुसार गर्ने श्रवण पुत्रको
आँखामा अचेल बदनियत देखिन थालेको छ

गुरु भक्तिभावको आसन ग्रहण गर्ने गुरुको
अचम्म उल्काको अहमियत देखिन थालेको छ।