हामी सबैकाे संसारन्यूज

काठमाडौं । कुमारी बैंकका ग्राहकहरुले काभ्रेको धुलिखेलस्थित दुसित थानी हिमालयन रिसोर्टबाट आकर्षक छूट सुविधा पाउने भएका छन् । बैंक र रिसोर्टबीच भएको छुट सम्झौता अनुसार कम्पनीका ग्राहकहरुले रिसोर्टबाट प्रदान गरिने सेवाहरुमा विशेष छूट पाउने भएका हुन् ।

यस सम्झौता अनुसार ग्राहकहरुले हिमालयन रिसोर्टबाट प्रदान गरिने सेवाहरु जस्तै खाना तथा पेय पदार्थ, देवराणा वेलनेस (स्पा), स्वमिङ पूल, ज्याकूजी, स्टीम तथा सोनामा कुमारी बैंकको डेबिट/क्रेडिट कार्ड, मोबाइल बैंकिङ्ग सेवाबाट रकम भुक्तानी गर्दा १५ प्रतिशत छूट प्राप्त गर्न सक्नेछन् ।

यस सुविधाबाट सेवाग्राहीहरुले गुणस्तरीय सेवा प्राप्त गर्नुका साथै अधिकतम लाभ समेत प्राप्त गर्ने विश्वास कम्पनीले लिएको छ ।

कम्पनीले देशभर ३०२ शाखा सञ्जाल, ३१८ एटीएम, ५० एक्सटेन्सन काउन्टर तथा ५७ शाखा रहित बैंकिङ्ग इकाईहरु मार्फत सेवाहरु प्रदान गर्दै आइरहेको जनाएको छ ।